اضحك من القلب

يا اخوانى اعضاء المنتدى الكرام انا حابب اعمل استفتاء واعرف ارائكم فى المعلق ممدوح فرج

هذا رأئى وبصراحة شديدة فأنا ارى انة لا يصلح لان يكون معلق
لماذا ؟

اولا : لان بعض اخبارة عبارة عن اكاذيب ويطلقها بدون معرفة مثل خبر اشاعة موت ليتا او كما يطلق هو عليها (لينا)
ولم يكلف نفسة حتى بالتأكد من الخبر من موقع wwe
وطبعا هذا الخبر قد ادى لصدمة جمهور محبى المصارعة الحرة

ثانيا : عندما قال اذاعه السماك داون علي شبكه art وهذا لم يحدث

ثالثا : لانة لا يجيد اللغة الانجليزية

فمثلا من اخطاء ممدوح فرج التحليليه عندما يحلل ماتش لاي مصارع يقول الاسم خطا 100 %
مثلا الاندر تايكر يقول : الاندرتكه & ترابيل اتش : طرابيل ايتش & اريك بيشووف : ارك بيشو
ويقول بووم سلام وهوب سلام و هاف سلام وتروب كيك

ويمكن حركه يقول اسم حركه تانيه يعني بالامانه ولاينفع مذيع في التليفزيون المصري
يعنى بجانب تحيزه الكبير للمصارعه الحريمي

وفي البرنامج لا يعرف التحدث بلباقه مع الكبار والصغار art
فيجب ان يتعلم الانجليزيه او يترك تحليل لاحد اخر يفهم ويقدر المشاهدين
والله بجد بيموتنى من الضحك عندما اشاهد برنامجة هو اخرة يكون من ابطال الديجيتال

دا اكتر برنامج بموت فيه من الضحك يا رجاله دا خلاني اشك في نفسي
وافتكر ان فيه مصارعين جداد جم زي ما كان بيقول علي ( كيرت انجل ) (كورت انجل ) انا قعدت اسال نفسي دا مصارع جديد انا اول مره اسمع عنه لغايه ما جاب الحلقه المصارعه عرفته وساعتها نمت علي الارض من الضحك دا غير (انتدرتكه) ايه يا رجاله سبوه عاوزين نضحك شويه
أعتقد أن السيد ممدوح فرج أرض خصبة للنقاش ، فهو يتحفنا بكل جديد وطريف وغريب في عالم الإنسان ، وطبعا العيب مش عليه العيب علي اللي ( مشغلينه ) وأقصد ال ART ، السيد ممدوح فرج مصارع قديم ، طبعا مصارع علي ( قده ) جدا ولا يميزه شئ غير ( كرشه ) بين أجيال المصارعين القديم منهم والجديد ، ولكي لا أظلم السيد ممدوح هذا ما يفعله بالظبط :

1- لا يشاهد ال wwe علي الهواء مباشرة ( مثلما نفعل نحن جميعا كمتفرجين عاديين فما بالكم هو كمعلق المفروض أنه يتابع كل شئ في عالم المصارعة ) ، تخيلوا عندما سأله واحد من المشاهدين علي الهواء ( هي المصارعة بتيجي علي الهواا الساعة كام يا كابتن ) رد ممدوح وقال ( واللهي هي بتيجي يوم الثلاث الصبح زي الساعة 7 -8 أو تسعة في الحدود دي )
2- ثقافته في اللغة الإنجليزية ( صفر ) أكبر من ( صفر المونديال ) ، وعندما يستضيف أحد المصارعين ( النص لبة ) لا يعرف كيف يحادثهم ويأتي بمترجم من خلال السماعة ، وأتذكر أنه مرة حاول ( يفتي ) فيها ويتحدث بالإنجليزية وقال للضيف ( i have a presedent for you ) طبعا presedent تعني الرئيس ، وأعتقد أن السيد ممدوح يقصد i have a present for you ، أي هدية !!!

3- فضيحة القرن عندما ( أجر ) مجموعة من النكرات وهم ( 8 أفراد ) وسماهم أعضاء الإتحاد الأوروبي للمصارعة الحرة وأهدوه في روما كأسا ولقبوه بمصارع القرن ، واللهي عيب علي التمثيلية دي ، ولو ممدوح فرج مصارع القرن فماذا ترك لـ steve austin أو undertaker أو the rock أو أسطورة المصارعة ومؤسسها hulk hogan ؟

4- السيد الأستاذا الفاضل ممدوح فرج لا يعرف شئيئا عن بطولات ال( pay per view ) أو ( ppv ) وترجمتها ( إدفع لتشاهد ) ، السيد الفاضل تقريبا لا يعرف أصلا أن هناك شيئا إسمه ppv ، من مصائبه الكبري أنه خلال أوائل 2004 تم عمل واحدة من بطولات الـ ppv ,وخلالها استطاع rick flair و batista الحصول علي حزامي بطولة زوجي الفرق ، و randy orton حصل علي حزام بطولة الـ intercontenental champ وحصل triple h علي حزام بطولة العالم ، فأصبح الأربعة معه أحزمة وظهروا مع بعض في أحد ليالي ال raw التالية لهذا ال ppv مباشرة ومعهم أحزمتهم ، صاح عمنا ممدوح وقال ( لا لا لا ، ده تهريج ده ، كل واحد مفصل حزام وطالع فرحان بيه ) ، قسما بلله العظيم لو انا مدير محطة الـ ART كنت فصلته في نفس اليوم .

5- السيد المحترم لا يعرف أسماء المصارعين اللي بيعلق علي مبارياتهم طول حياته ومرة قال في برنامج أن كوبه هو إسمع الدلع ل جولدبرج مثل إبراهيم بيقولوله أبو خليل !!!!!!!!!!!!!!!!!!!!!!!!!!!!! ) وكمن أتذكر المصارعة الجميلة ( لينا - الله يرحمها ) وعندكم ( سيد فشه - قصده sid vicious ) - طبعا سيد فشه ده الجزار في الحته عنده ) وفيه كمان كورت أنجل , واللسته لا تنتهي أبدا ، وللأسف الشديد 99% من المشاهدين الذين يتصلون به ينطقون الأسماء مثله، واللهي أتعجب ، ما خبطش في ودنه أبدا إسم صح علي لسان المذيع الأصلي ؟


6- نأتي لمصيبة المصائب وكارثة الكوارث عندما أعلن علي الملأ ( لينا ماتت ) لينا مين ؟؟؟؟؟ لينا ماتت ياولاد ، دي مكتوبة في موقع الإنترنت ، موقع إيه يا كابتن ؟؟؟ موقع دبليو دبليو دوت كوم !!! انا قريتها بنفسي ، أصل كين ثقيل شويتين فلما وقع عليها ماتت !!!!!!!! ، بيني وبينكوا أنا واللهي العظيم شكيت في نفسي وبحثت فورا عن موقع دبليو دبليو دوت كوم أو نص كوم حتي لم أجد خبر واحد عن ليتا اللي ماتت ، ولو الحاج ممدوح فرج بيعرف ( يفك الخط ) حتي أو ليه واحد من صحابه ( يعرف يقرا ويكتب ) او حتي الأخ المخرج أو معد البرنامج بيفهموا أصلا بلاش من الكلام ، من سير الأحداث وتتابع الصور ، حايعرفوا إن ( لينا ما مماتتش ) ، واللهي العظيم أنا كنت منتظر بفارغ الصبر ظهور ( لينا ) مرة أخري علشان أعرف إزاي حايخرج من الوكسه دي وتوقعت أن يقول ساعتها مثلا ( دي أخت ليتا التوأم ) أو ( دي فيديوهات قديمة لـ ليتا في ذكراها الأربعين ) أو حتي ان يقول ( دي روحها رجعت تنتقم - اللهم احفظنا ) ، وطبعا لأن عبقريتي لم تصل لربع عبقرية كابتن ممدوح ، فقد فاجأني بقوله ( إيه ده لينا رجعت تاني ، الله ، ده النت بيقول إنها ماتت ، الله ، إزاي النت يغلط !@#@$@$#@@!#!!!!!!!!!!!!!!!!!!!!!!!!! )

وأقولها مرة أخيرة - عيب عليكي يا ART

علي فكرة ، ميزة وحيدة في الأخ ممدوح فرج ، انه ممتع ومضحك وكوميدي ، وبيتهيألي يحول برنامجه لإسم ( تمارين الصباح ) 1 ، 2 ، إهوب سلام ، 1 - 2 ، نفس عميق ، 1-2 بوم سلام ، 1-2 يا رب يخلليك ، وبرضه مش حاقتنع بيه لا للا شئ سوي أن كرشه أكبر من قدرة الفول .

ملحوظة : أقترح وضع موضوع مثبت باسم ( نوادر وطرائف الظريف الخفيف ممدوح فرج ) ونكتب فيها النكت التي يقولها كل إسبوع ، انا أتحدث جديا ومنتظر رأيكم .



نكات قالها ممدوح فرج :
واحد من المشاهدين : هو فين أندرتيكر يا كابتن ؟
ممدوح فرج : واللهي هو بيتمرن في المقابر وراجع قريب أوي

نكته ثانية :
مشاهد : كابتن هو فين steve austin ؟
ممدوح : هو راجع قريب جدا - أنا قلبي بيقوللي كده

نكتة ثالثة :
مشاهد : كابتن أنا عايز ماتش goldberg و steve austin
الكابتن : يا رب يخللليييييك ، الإسبوع الجاي أجيبهولك
من المعروف إن عمر ما Goldberg ما لعب مع austin
والنكت لا تنتهي

امبارح فى الجولدن ريسلنج جايب ماتش ليه تخيلوا مصارع القرن بيلعب الماتش فين؟ فى الصالة المغطاه باستاد الشرطة !!!!!!!!!!!! وجايب ناس معاهم اعلام مصر وصلى صلى وبيلاعب واحد عمرنا مسمعنى عنه وبيقول عليه بطل عالم طب والنبى ده كلام
ولما طلع المصارع Gene snitsky اللى سبب مشكلة لينا قصدى ليتا تخيلوا قال ايه : اه انا عارف المصارع ده انا بينى بينه مشاكل لحد دلوقتى على الانترنت !!!!!!! ايه ده والله عيب ده اسمه استخفاف بعقل المشاهد
وفى التتر المقدمة عاملين لقطة فيديو كأنه داخل حلبة المصارعة وليه دخله وكده وملبسينه مايو بكينى ازرق يفطس من الضحك مش ممكن اسماعيل ياسين فى زمانه
والكارثه الكبرى ان فى ناس مصدقه وعايشه الوهم انه بطل !!!!
بس بينى وبينكم انا لما اكون مضايق ومخنوق اتفرج عليه وافطس من الضحك كأنى بتفرج على مسرحية ل عادل أومام قصدى امام على طريقة سى ممدوح
وآسف إني اتكلمت علي الحاج ممدوح بالطريقة دي لكن زي ما يكون كان عندي كبت وقرف وما صدقت لقيت مكان أطلع فيه الهم ده ،



واما اتسئل قريب عن ظهور محمد حسن المصارع المسلم قال للمتصل بستغراب غريب جدا انت متاكد انة كان على قناتنا احنا؟؟؟قام الراجل حلفلة وقالة اة رد الكابتن وقالة لا لا مش عندنا ... طب الراجل شافوا فين ودى القناة اللى بتذيع مباشر..وتعليقة على المباراة بقى دلوقتى بيموت فيها الاثارة كان زمان شوية بيعلق كويس وبسمعلة لكن من ساعة ما بدأت اعرض الشيخوخة تبان علية ويتلخبط فى اسامى المصارعين وانا بتفرج مباشر يوم التلات عشان ماتحوجلوش فى الاستديو بتاعة..

ممدوح فرج مصارع من زمن مختلف وكل شئ فيه مختلف عن مصارعة اليومين دول ، ولكن باعتبار إنه وافق يكون مذيع - أكيد قبل ذلك باقتناع وبرضا كامل ولم يجبره شخص علي ذلك - لذلك يجب أن ينمي مهارات المذيع ، بلاش مهارات المذيع ، يوسع مداركه شوية ، يتابع المصارعة علي الهواء ، يشتري دش بكامة (( علي حسابي أنا موافق )) ويتابع ال ppv كلها بتتذاع علي الهواء في TVMAX ، مش كده برضه ؟؟؟ عيب جدا يكون مذيع برامج مصارعة وألاف المشاهدين يتابعوه ومعلوماته هي هي من 20 سنة ، حتي أنه يسمي حركات المصارعة بنفس الأسماء اللي كانت علي أيامه ، طبع غير مقبول ذلك أبدا ، كونه قبل يكون في مكان لازم يكون اهل لهذا المكان وإلا فعلا سيحاسب علي ذلك .

والبوستر بتاعة دة مضايقنى جداا منظرة عرة لا يمت للمصارعين بصلة والظاهر ان الراجل دة عمل لمحبى المصارعة كلهم عقدة

ولا الراجل اللى كل شويه يتصل ويقعد يقوله ازيك ياخال المنيا كلها بتسلم عليك يا خال انا حاسس واللهى انه تبع البرنامج وعاملها نكته

الواحدعايز يطلع غله وكبته من المتخلفين امثال اندرتيكه هاهاهاها تيكه هاهاها والنبى بدل ميطلع فى التلفزيون يشفلوا تيكة يقعد عليها بعيد عننا هاهاها



إنت شفت التكة اللي ممدوح فرج حاطط عليها الحزام بتاعه ؟

إزاي كسب vader و tito santana ، انا عايز أقوللك إنه جاب tito santana مصر هنا في بطولة عبيطة منظماها ال art وطبعا الأستاذا عمل show وزي ما همه متفقين انتهت المباراة زي ما هم عايزين ، بالنسبة لـ vader أكيد ملووح فرج كان مظبط الحكم

الصراحة ممدوح فرج ماينفعش الا بياع بطاطا ومميفهمش اي حاجة ف المصارعة مثلا عندما كان بيعلق على ماتش elimination chamber كان لما واحد يطلع بالعد كان بيقى زي اللي مش فاهم حاجة ويقول (ايه ده الحكم ده مش مظبوط !!)

وبعدين هو كان بيلعب مصارعه من ايام عرابى انا على ما اعتقد ان هو لو كان بيلعب دلوقتى كان ممكن يعلقوه على بوابه الاتحاد

1-فى Summerslam 2004 أخذ Orton الحزام من Benoit وظهر بعدها فى الـRAW و معه الحزام( وطبعا كانت دى مفاجأة للأخ منفوخ اللى عمره ما سمع عن حاجة اسمها سمرسلام) المهم واحد اتصل بيه وسأله هو Orton خد الحزام من Benoit إمتى؟ وأليكم الإجابة العجيبة:
قاله" ده خده منه فى سماك داون اللى احنا ما بنشوفوش"
2-مرة تانية واحد سأله هو فين RVD ؟ كلنا عارفين أنه فى سماك داون(آسف كلنا ما عدا منفوخ فرج طبعا) وهنا تحركت عقليته الفذة و خياله الواسع وتفتق دهنه(مش ذهنه) عن الإجابة العبقرية التالية:
قاله "ده ساب الأتحاد" ولما سأله الراجل ليه؟ قاله "أصله اتخانق مع ماكمان على التصنيف كان عايز يبقى Intercontinental champion وماكمان قاله لأ مش هتبقى Intercontinental champion قاله بقولك عايز أبقى Intercontinental champion قاله لأ مش هتبقى Intercontinental champion قاله هاسيبلك الأتحاد قاله مع السلامة راح RVD خد شنطته وساب الأتحاد" :

طبعا حكاية مش عايزة تعليق.



ونتعجب من الاسماء التى ينطقها مثلا:اندرتيكر اندرتيكا
بروك ليسنر بروك لايصنا
تريبل اتش طرابيل ايتش
ميفن مافن
تريش ستراتوس ستريتش تراتش
ليتا لينا
بينجامن بنجامين
هاريكين هوريكان
سنيتسكى سناتسكى
يوجين يوشى
باطيسطا باتيستا
فيسكرا فيسيرا
شتاينا بيج بابا بوم

ويقول قاعدة عجبية عندما يسقط مصارعان ارضا الحكم يعد من واحد الى عشرة "اللى يقوم الاول يكسب".
و يقول خبر اضحكنى عندما سأله احد المشاهدين "فين جيف هاردى؟"قاله"جتله اصابة تمنعه من المصارعة" وجيف هاردى فى اتحاد اخر اسمه TNA.

ده ممدوح بتاع هوه السلام والبوم سلام وهاف سلام ووعبدو سلام ومدينه السلام واحلى سلام مبيقولش ولا اسم لاى مصارعه صح بيألف تاليف مائه مئه بيخترع اسماء وحركات جديده واسماء ماتشات جديده واسماء مهرجات واتحادات عمر الواحد ما سمع عنها

لما شفت تمثيليه ممدوح فرج مع مصارع كده ضربه و بعدين طلع ضربه ب ايد مقشه علي ضهره والمصارع اغمي عليه ؟؟؟!!!!!!!!!!!! وانا عندي حالة قرف والمصور الاهبل التاني قال ايه بيعد تثبيت اكتاف !!!!!!!!!!!!!

السنة الي فاتت كان لابس t shirt ston cold بيقول للمشاهدين ان ستون كولد هو الى أداهاله

ومن كلماته المأثورة : وتعالوا بينا يالى نشوف المتش دة طب استنوا.....فاصل اعلانى ورجعلنا بسرعة....تعالوا بينا نشوف المتش دة استنوا......معانا تليفون.....هذلكم الاول وبعدين هجيب المتش

ونشوفك الاسبوع الجاى يوم الخميس الساعة عشرة او احداشر او اتناشر او يمكن تسعة حسب الظروف

مش ملاحظين ان الكابتن ممدوح بيكره المصارع بنجامين ومش بيحبة ابدا نفسى اعرف ليه هو فى مشاكل بينهم وبين بعض؟

الراجل عقبال عندكم سنود جامد اوى فى الشركة يا ريت يا جماعه تتصلو بخدمة العملاء بالقاخرة بالرقم المجانى (19300) من اى تليفون عادى و تشتكو الناس فى الشركة مش حاسين بالمصايب اللى الاخ دة بيعملها و شكرآ انكم استحملتوة و على رأى المثل ( اصبر على جار السو يا اما يرحل يا اما تجيلة مصيبة تاخدة )

غير انه كمان بيفرح قوى لما واحدة ست تكلمة فى التليفون وبيبقة فاتح بقة على الاخر وبينسى المشاهدين ويبقى الود وده ياخد منها معاد

وبيقولك ليتا عايزه واحد بشعر وكين ماعندوش شعر !!! إيه الهجص ده

ياراجل بلا وجع قلب يقولك بطل القرن هما اكيد قصدهم بطل قرن الخروف ولا الخروب

عارف حاييجى بكره الخميس يقولك ايه ؟؟

حايقول يا جماعه جون سينا جاى من السماك داون حلقه كده وراجع تانى .... ولما تربل اتش او باتيستا ياخد الحزام ويروح بيه السماك داون حايقولك .. تربل اتش خد الحزام وهرب .. الحزام بتاعه يا جماعه خده وهرب وساب المصارعه خلاص وحانبحث عنه

وحايقولك مصارعى الــ Ecw دول من الجماهير .. وجايين كده غلط بالكراسى والعصيان .. والاتحاد اكيد حايشوف معاهم حل



و له كلامته المعروفه زى:بينو العظيم - ولما لعيب يكسب "اللاعيب ده بيضرب كويس "
واخ لو حد قاله اهدى المتش ينهار ابيض كان واحد بيقله حضربك يرد و يقول و يحرج المتفرج "مع السلامه مع السلامه"

بالذمة في بني آدم بيطلع على التليفزيون يقولك ( كين بقى لما كان بالقناع كان مديله سكسيه !!!!!!!!!!!!!!!!!! ) ايه الارف دا يا عم

بالاضافة الى انه بيعشم الجمهور على الفاضى فمن 14 شهر وهو بيقول هيجيب ماتش The Undertaker Vs Kane و ماتش Brock Lesnar Vs Goldberg اللي كانوا في Wrestle Mania XX طبعا هوا مش مقصر بس هوا مايعرفش المتشات ديه اتلعبت فين أصلا!!!

من كلمات منفوخ المشهورة:هوب سلام-بوم سلام-هاف سلام-كروزلاين-طررروبكيك-ديديتتى جمميللة-هيبقى همبورجر-رايح فين يا كابتن-شولدرفيست

اجدد نكتة لممدوح فرج انة مشاهد اتصل بية بيقولة انا عايز ماتش لكريس ماستر وبينوا وهو يقولة هجبهولك

و الاجدد منها ان مشاهد اتصل وقال ايه اخبار نسيم حميد(ملاكم)قال اعتزل بعد ما خسر من المكسيكى ايدى باريرو(جاريرو)

ييجى المعلم بقى لما يذيع أى ماتش

أى رمية على الوش:تبقى دى دى تى

وأى رمية على الضهر:تبقى دى دى تى معكوس؟

(أيه المعكوس دى ...مش عارف)

أى شقلباظ يبقى ســـــــــوبلكس

وفى بقى الحاجات التانية...

بــــــــــــوم -ده أنا اللى هافرقع منك-

بوم سلام -عملوها أمتى دى-

هوب سلام -واللى يحب النبى يصلى عليه-

تروب كيك -بالصلاة على النبى-

واحد ----> اتنين..... ماينفعش

يــــــــــــاه..دى فيها تسليم دى

يــــــــــاه هايعمل فــــــــــيـــــــــنــــــــيـــــــــش

الحكم ده باين عليه طيب وغلبان

أصل الحكم ده مابينامش فى بيتهم جاى ينام هنا

وبعد كده أى حركة يتزنق فى أسمها يقول:مانشيت..كرابيج بتتسمع...

بصراحة حاجة تكسف

وكل ده غير القفطان الجينز اللى بيطلع لابسه ساعات

والحزام البابا أوبح اللى حاطه قدامه

وبيقول على فنش بروك ليسنار دى دى تى على كلوز لاين

تصوروا حتى الان مصمم على ان باتيستا ما زال في الرو و يقول على كارليتو كوليتو

في حاجه كنت هانساها بالنسه للمكلمات التي يتلقاها ممدوح فرج أغلبها من جهله و أطفال و ستات فاضيه لدرجه مره وحده ست بتقوله أنا عاوزه أشوف كين و هوه بيضرب فال لها حاضر هاجبهولك ولو ملقتش هاضربهولك أنا ههههههههههههههههههههههه دمه منجه مش كده

وكمان يوم يفعل شون مايكلز حركته النهائيه السويت شين ميوزك يقول ممدوح فرج شون مايكلز ياريته يقول شون يقول جون بيعمل زي حركات الهنود الحمر ..فعلا مهزله صراحه..

طيب انته موش فاكرين ايام لما كان بيزيع علي القناه التانيه المصريه في اوائل التسعينات
كان تعليقه عامل ازاي
كان كله شد الذراع مع الحدف ارضا و تثبيت الدرعين
يعني في ايامها مكانش لا فيه هوب سلام و لاباور سلام و لا حتي سلام مربع
يعني كانه بيقرا من كتاب و احنا التلامذه اللي بنسمعلوه
يعني لما ظهر في a r t غير النظام و خلاها فكاهيه شويه
اما بالنسبه للحركات الغلط يمكن علي ايامه كان اسمها كده

بالمناسبة اسم طرابل اتش ده ليه حكاية عند الكافتن فرج....بيقول الناس بتقول عليه طرابل اتش قصده Trouble لانه بيعمل مشاكل كتير !!!!!
بالذمة حد سمع التفسير الخايب ده قبل كده ؟؟

وبنجامين اللى الwwe عايزاه نسخة من بوكر تي مع انه لا يقلد حركاته على الاطلاق

وكمان المتصلين بالبرنامج اللي كل كلامه ليهم "ربنا يخليك " و اول ما يسألوه سؤال محرج او يطلبوه منه طلب مش هيقدر يجيبوه يروح مزحلقهم بكلمته المعتاده "الف سلامه "

اخر نوادر الكابتن ممدوح فرج
1- بيقول انه المصارع ديفاري اللي بيطلع مع كرت انجل هو اسمه علي حسان و هو أخو المصارع محمد حسان بس عشان بطل تحكيم و بقى مصارع غير اسمه و بقى اسمه (دوفاري).....
2- متصل بيسأل عن جيف هاردي قاله انه مشغول اليومين دوا مع الفرقة الغنائية بتاعته اليومين دول بيعملوا حفلات و راجع قريب( تلاقيه بيغني في الافراح الشعبية و الموالد)
3-بيقول ان المصارع راكيتشي هو شقيق المصارع يوكوزونا
فى مرة فى حد من الشاهدين قال فين
كرس جركو قال انو بطل وميعرفش ان ارك بيشوف طردة يوم المبارة الى كانت بينة وبين جون سينا

و الى نوادر اخرى سوف اقوم بكتابتها كلها هنا قريبا باذن الله و شكرا.......................

وعلي العموم علشان ما أظلمهوش وجدت قائمة من المصارعين الكبار الذين فاز عليهم ممدوح فرج وهم :

- ric flair - tony atlas - greg valentine - vader - Tito Santana وآخرون

وفى انتظار مشاركة الجميع وسماع ارائهم بصراحه

تحيـــاتى للجمــيع